Дибала: Во вакви тешки времиња мораме да се држиме заедно

Фудбалерите на Јувентус се наоѓаат во голема криза од почетокот на сезоната во Серија А.

Неверојатно е што после четири одиграни кола Јувентус се наоѓа на 18. место со два освоени бодови.

„Старата дама“ и понатаму е без победа во новата сезона, а во претходното коло Јувентус ремизираше против Милан 1:1 на свој терен. Јасно е дека во Јувентус владее криза, а ваков лош старт секако е разочарување за навивачите.

После натпреварот против Милан дури и Масимилијано Алегри ги изгуби нервите и со повисок тон им се обратил на играчите. Пред утрешното гостување кај Специја во петтото коло се огласи Паоло Дибала.

„Во вакви тешки времиња мораме да се држиме заедно. Работевме на тоа во минатото сега треба да го повториме. Заедно до крај“, порача Аргентинецот.

Натпреварот помеѓу Специја и Јувентус во рамките од 5. коло во Серија А се игра утре од 18:30 часот.