Мурињо направи шоу и порача: Не дојдов на одмор во Рим, туку да работам!

Жозе Мурињо денеска беше претставен како нов тренер на Рома и се појави на пресконференција пред новинарите.

Како и што можеше да се очекува Специјалниот направи шоу. Во еден момент во текот на говорот панелот им пречеше на присутните новинари, па Мурињо лично го реши проблемот.

„Не дојдов тука поради градот. Тој е преубав, но не сум во Рим за да одморам. Тргнуваме со работа. Директоре, жал ми е што ќе го кажам тоа тука, но ми треба лев бек“, изјави Мурињо.

„Лесно е да ветам титула, но реалноста е поинаква. Зборуваме за проект, за напредок. Вие зборувате за титули, ние за проекти. Лесно е да направите изолиран успех, но целта е да се биде константно на врвот.  Лесно е да освоите титула една година, а потоа да немате пари да ги исплатите платите“, заклучи Португалецот.

Il simbolo, il nome della città, i colori.
Si alza e fa finta di andarsene.
"Non si sta qui in vacanza"
"Ho cambiato già tre volte il telefono"
E infatti toglie la tenda.
Ecco il primo #Mourinho romano pic.twitter.com/Jy0ER1vT1c

— Simone Santucci (@simsantucci) July 8, 2021