Зидан пред најважниот натпревар: Чуда се случуваат

Tренерот на Реал Мадрид Зинедин Зидан одржа прес-конференција пред последниот лигашки натпревар.

Реал игра против Виљареал и се уште може да ја освои Ла Лига. Реал ќе се обиде да победи, но мора да се надева и дека Ваљадолид ќе го запре Атлетико.

„Сега е најважниот натпревар во сезоната. Фокусирани сме на овој меч. Ќе направиме се за да победиме, можеби ќе бидеме шампиони. Се надеваме. Шпанската лига, но и фудбалот воопшто е посебен затоа што чуда се случуваат. Сезоната би ја оценил со 9.5, а после утрешните натпревари можеби ќе биде и со чиста 10-ка. Не зависи само од нас“, додаде Французинот.

Новинарите му поставија прашање и за неговата иднина, но Зидан не сакаше тоа да го коментира.