Јувентус ја чека одлуката на Роналдо

Роналдо има договор со Јувентус до 2022 година, но шпанските медиуми последните неколку недели пишуваат за можно враќање на Португалецот во Реал Мадрид.

Според „Тутопорт“, Роналдо пред мај ќе го извести раководтвото на Јувентус за своите намери, односно каде планира да ја помина следната сезона.

И Јувентус планира да направи големи промени во тимот по крајот на сезоната, па така на торинскиот клуб ќе му биде важно на време да знае дали Роналдо сака да остане или одлучил да ја промени средината.

„Старата дама“ нема да се противи на неговото заминување, бидејќи сака да се ослободи од високата плата на Португалецот, кој годишно заработува 31 милион евра.