Милан ослабен против Сампдорија

Кризата на Милан со повредени фудбалери продолжува и после репрезентативната пауза.

Милан утре во 12:30 ја пречекува Сампдорија, а тренерот Стефано Пиоли нема да може да смета на пет првотимци.

„Газета дело Спорт“ пренесува дека за овој дуел нема да бидат во конкуренција Марио Манџукиќ, Алесио Ромањоли и Давиде Калабрија кои од поодамна имаат повреда.

За утрешниот меч поради повреда нема да го има и Рафаел Леао, а под знак прашалник е и Брахим Дијаз.

Добрата вест за тренерот Пиоли е што ќе може да смета на Анте Ребиќ, како и фактот дека Златан Ибрахимовиќ е во добра форма.