Клубовите од Серија А на агентите им платиле 138 милиони

Фудбалскиот сојуз на Италија денес ги соопшти податоците за тоа колку клубовите од Серија А платиле за услугите на фудалските агенти.

Иако поради пандемијата имаше многу помалку големи трансфери, сепак минатата година агентите за своите услуги наплатиле точни 138 милиони евра.

Јувентус платил најмногу, односно 20.8 милиони евра, па следува Рома (19,2) и Милан (14,3) милиони евра.

Наполи за услугите на агентите им платил 12 милиони евра, додека Интер и Фиорентина платиле по 9 милиони евра.

Специја е тим кој најмалку пати дал за агентите, или точно 876.132 евра.