Одреден новиот датум за италијанското дерби

Чекаме уште официјална потврда од Италијанскиот фудбалски сојуз.

Јувентус и Наполи лигашкиот натпревар првично требаше да го одиграат на 4 октомври, но истиот не беше одигран бидејќи гостите не допатуваа во Торино поради проблеми со коронавирусот.

Тогаш Јувентус го доби натпревар на зелената маса (3:0), но жалбата на Наполитанците вроди со плод и одлуката во корист на Старата дама беше поништена.

Се бараше нов термин за натпреварот и откако Наполи синоќа испадна од Лига Европа, сега е јасно дека дербито ќе се одигра во среда, 17 март. Истиот ден ќе се одигра и натпреварот Торино – Сасуоло, натпревар кој требаше да се игра вечерва.