Милан започна преговори со напаѓачот на Ливерпул

Напаѓачот на Ливерпул, Дивок Ориги најверојатно ќе го напушти клубот во зимскиот преоден рок, пренесуваат англиските медиуми.

25-годишниот напаѓач не добива голема минутажа кај Јирген Клоп, па тоа е причината поради која сака да ја промени средината.

Оваа сезона Ориги настапи на три натпревари за Ливерпул во сите конкуренции, на кои постигна 1 гол и запиша 1 асистенција.

Интерес за него покажуваат неколку клубови од Премиер лигата, но и Милан, кој веќе започнал преговори со Ливерпул.

„Росонерите“ бараат напаѓач кој ќе биде алтернатива за Ибра и веруваат дека Ориги би бил идеална опција па сакаат да го донесат на позајмица со право на откуп.