Роналдо денес против Пандев и Џенова слави во Јувентус

Кристиано Роналдо зад себе има одлична недела, прво ја понижи Барселона на „Ноу Камп“, а денес ќе прослави јубилеј – 100 натпревари за Јувентус.

Јувентус вечерва од 18:00 часот ќе игра против Џенова и нашиот капитен Горан Пандев.

Според најавите од Италија Роналдо денес ќе стартува во нападот во тандем со Аргентинецот, Паоло Дибала, додека Мората кој игра одлично сезонава ќе биде на клупата за резерва.

Ќе видиме како ќе помине овој јубилеј на Роналдо, но Пандев често пати знаел да погодува против Јувентус па може и ќе му го расипе јубилејот на асот на „старата дама“.