Нема среќа: Дејан Илиев се повредил во Шрузбери

Македонскиот репрезентативец Дејан Илиев немаше среќа во Шрузбери, откако дебитираше Илиев се повредил.

Илиев не бранеше на мечот против Рокдејл (1:2), а причината за неговото отсуство е повреда. Како што е познато Илиев е позајмен од Арсенал во редовите на третолигашот со цел да собира минутажа.

Против Рокдејл како и во претходниот меч било планирано Илиев да биде на голот, но во последен момент дошло до замена затоа што македонскиот голман се повредил.

Од Шрузбери потврдуваат дека станувало збор за повреда, меѓутоа не откриваат дали станува збор посериозна или полесна повреда. За повеќе информации веројатно се чекаат деталните прегледи.