Што се случува со Ренато Санчез?

Малкумина очекуваа дека кариерата на Ренато Санчез ќе оди надолу откако минатото лето направи голем трансфер од Бенфика во Баерн.

Санчез со Португалија го освои Европското првенство во Франција, а потоа се приклучи во Баерн за кого минатата сезона одигра само 17 натпревари во Бундеслигата. Тоа не е лошо за некој кој има 19 години, но проблемот е тоа што многу повеќе играше во есента, отколку во пролетниот дел од сезоната. Освен тоа, младиот Португалец се уште чека на првиот гол во дресот на Баерн.

Санчез на крајот падна во вториот план, а тоа се одрази и на неговиот статус во репрезентацијата. Младата ѕвезда на Баерн не беше на списокот за Купот на Конфедерациите, на кого Португалија во моментов настапува, но затоа е член на младата репрезентација која игра на Европското првенство во Полска.

Меѓутоа, Ренато Санчез не беше во првиот состав на Португалија на натпреварот против Србија (2:0) во 1. коло, а во игра влезе во 59. минута наместо Карвахал.

Што точно ќе се случува со Санчез тешко е да се каже, но останува да видиме дали во новата сезона ќе ги оправда парите вложени во него. Потсетуваме, Баерн на Бенфика и плати неверојатни 35 милиони евра, што е еден од најголемите трансфери во историјата на познатиот клуб од Минхен.