Сите тестови се негативни: Вардар денес ги започнува припремите за новата сезона

Денес екипата на РК Вардар ги започнува подготовките за новата сезона и тие ќе се одржат на фудбалското игралиште до „СЦ Јане Сандански“.

Вчера на ракометарите на Вардар им беа направени тестови на Ковид-19, а откако се покажа дека сите се негативни денес ќе можат да започнат со тренинзи.

Пред почетокот на тренингот кој е закажан за во 18:00 часот тренерот Стевче Алушовски ќе даде изјава за медиумите. Поради ситуацијата со Ковид-19 нема да биде дозволен близок контакт со ракометарите.