Ниту едно гостинско славје во првото коло од квалификациите за Европското првенство во ракомет во 2028 година. На 16-те натпревари одиграни на 4 и 5 ноември, во сите осум групи, победите без исклучок им припаднаа на домаќините.
Најголемата разлика ја направи Исланд, кој ја совлада Украина со 48:26. Со убедливо издание отвори и Србија, триумфирајќи над Естонија со 39:18. Хрватска, пак, постигна 46 гола во победата над Литванија, која одговори со 28.
Сигурен почеток имаше и Македонија со победа од 41:23 против Луксембург. Во вториот натпревар од нашата, осма група, Шведска ја оправда домашната предност против Грција и славеше со 33:24.
Унгарија ја запре Црна Гора на 21 погодок и победи со 32:21, додека Норвешка беше убедлива против Грузија со 40:23. Значително понеизвесно беше во Чешка, каде што домашната селекција го совлада Израел со само еден гол разлика, 27:26. Тесна победа забележа и Италија против Словачка — 34:32.
- Група 1: Хрватска – Литванија 46:28; Холандија – Финска 33:24.
- Група 2: Австрија – Турција 37:30; Норвешка – Грузија 40:23.
- Група 3: Исланд – Украина 48:26; Србија – Естонија 39:18.
- Група 4: Фарски Острови – Косово 37:30; Унгарија – Црна Гора 32:21.
- Група 5: Чешка – Израел 27:26; Словенија – Босна и Херцеговина 38:28.
- Група 6: Полска – Летонија 33:24; Франција – Романија 34:27.
- Група 7: Италија – Словачка 34:32; Германија – Белгија 42:32.
- Група 8: Македонија – Луксембург 41:23; Шведска – Грција 33:24.
Фото: Handball-Planet
Учество во игри на среќа е дозволено за лица со 18+ години. Играј одговорно!