Годин: Да го задржиме второто место, но зошто и да не го стигнеме Јувентус?

Интер пред почетокот на сезоната беше означен како главен конкурент кој би можел да ја прекине доминацијата на Јувентус.

И навистина „нероаѕурите“ долго време „рамо до рамо“ со „старата дама“, но како што одминуваше сезоната попуштаа, па сега се на -8 бода. Многу поинаку ќе беше ако не киксираа против Болоња и Сасуоло.

Стоперот Диего Годин во Интер дојде минатото лето, а сега тој верува дека неговиот тим уште не ја изгубил борбата за Скудетото.

„Треба да бидеме фокусирани и да ја задржиме втората позиција, но зошто да не се обидеме да го стигнеме Јувентус“, изјави Годин.