Милик ги одби Симеоне и Мурињо, сака во Јувентус

Напаѓачот на Наполи, Аркадиуш Милик ова лето најверојатно ќе ја промени средината, а може да ја продолжи кариерата во големиот ривал Јувентус, пренесува „Тутоспорт“.

Милик ова лето влегува во послесната година од договорот, па Наполи ќе мора да го продаде, а Јувентус сака да ја искористи таквата ситуација.

Тренерот на „бјанконерите“ Маурицио Сари одлично го познава Милик и смета дека одлично би се вклопил во триото со Роналдо и Дибала во нападот.

Наполи не сака да го продаде напаѓачот на директен ривал, но италијанските медиуми тврдат дека Милик веќе се договорил со Јувентус.

Тотенхем и Атлетико Мадрид исто така испратиле понуда до полскиот напаѓач, но Милик сака кариерата да ја продолжи во Јувентус.