Ништо од Кавани, Атлетико тргнува по Милик

Приоритет на Диего Симеоне во летниот преоден рок ќе биде доведување на врвен напаѓач.

Диего Коста на лето готово сигурно ќе си замине, а Симеоне како негова замена го сака напаѓачот на Наполи, Аркадиуш Милик.

Иако доаѓањето на Едисон Кавани се сметаше за сигурно, сепак има проблеми околу договорот на Уругваецот.

Поради тоа „јорганџиите“ се насочиле кон Милик и веќе започнале преговори со неговиот агент.

Милик ова лето најверојатно ќе го напушти Наполи откако одби продолжување на договорот, а за него интерес покажува уште и Јувентус.

Сепак, Наполи преферира да го продаде на клуб надвор од Серија А, па поради тоа Атлетико моментално е во пол-позиција за неговиот потпис.