Видете ги платите на фудбалерите на Јувентус: Роналдо на врвот, Буфон на дното

Италијанскиот весник „Газета дело Спорт“ денес ги објави платите на сите фудбалери на Јувентус.

Станува збор за нето приходи, без пресметани даноци, а Кристиано Роналдо е очекувано на врвот со плата од 31 милион евра по сезона.

Втор на листата е Матијас де Лихт со 8 милиони евра годишно, а потоа следивуваат Игуаин, Пјаниќ (7,5 милиони) и Пауло Дибала (7,3 милиони). Интересно е што Буфон е на дното со 1,5 милиони евра годишно.

Доколку Барселона успее да го договори трансферот на Пјаниќ ќе го ослободи Јувентус од една од најголемите плати. Доколку во замена пристигне Артур се очекува Бразилецот да заработува 3,5 милиони евра по сезона, што е помалку од половина.