Легендата на Јувентус: Короната е обичен грип, фудбалот мора да се игра и тоа со публика!

Легендарниот голман на Јувентус, Стефано Танкони го даде своето мислење за коронавирусот.

Танкони е од оние кои сметаат дека коронавирусот не е толку опасен како што се прикажува.

„За мене коронавирусот е само обичен грип“, изјави 62 годишникот за „Радио Спортива“ и додаде:

„Кога на некоја конференција ќе слушнеме дека имало илјадници смртни случаи треба да се запрашеме колку навистина биле од корона. Не може сите да се ставаат во исти кош. Фудбалот мора да продолжи и тоа пред публика“, изјави Танкони.

Според официјалните податоци во Италија од коронавирусот починале 30.911 луѓе, а заболени има 221.216.

Во оваа прилика тој беше запрашан и за критиките на Киелини на сметка на Фелипе Мело и Марио Балотели. За него Киелини ја кажал само вистината.

„Џорџо ја кажа само вистината и јас би ви го потврдил истото“, порача Танкони.