![](https://sportski.mk/wp-content/uploads/2020/04/ronaldo-14-850x491.jpg)
Кристиано Роналдо без дилеми е еден од најголемите спортисти на дешеницата, но ѕвездата на Јувентус е и голем хуманитарец.
Роналдо секогаш помага каде што е најпотребно, во борбата со коронавирусот имаше неколку акции, најмногу во неговата родна Португалија. Сега од Португалија ни пристигнуваат и информации дека ги израдувал фудбалерите на Мадеира кои му помагале за време на тренинзите додека бил во карантин.
Роналдо - човек рекорд! Франција и Белгија во дербито на денот! ↓↓↓
Роналдо скоро два месеци помина во неговата Мадеира, а формата ја одржуваше на теренот на второлигашот СД Национал.
Еден од оние кои тренирал со Роналдо бил младиот голман и член на тој клуб во тимот до 19 години, Фелипе Гонклавес. Роналдо како благодарност на сите играчи на клубот им купил подароци.
„Кристиано цело време не изненадуваше позитивно. На последниот тренинг тој почна да ни дели подароци. Но, повредно од подароците е што имавме прилика да тренираме со нашиот идол. Тие денови беа како сон, не можев да поверувам што се случува. Уште еднаш ни покажа дека покрај тоа што е фантастичен играч, тој е и голем човек“, раскажа Гонклавес.