Милан прави „преседан“ за да го задржи Ибра

Милан е спремен да направи „финансиски преседан“ за да го задржи Златан Ибрахимовиќ во своите редови и следната сезона.

„Газета дело Спорт“тврди дека директорот Иван Газидис е подготвен да го исклучи Златан од планот за економски кратења што се однесува на остатокот од тимот и клубот, и е спремен да му понуди богат договор за продолжување на соработката.

Во моментов Ибра е поблиску до тоа да остане на „Сан Сиро“ и следната сезона, а конечната одлука се очекува кога ќе се врати во Италија.

Ибрахимовиќ пристигна во Милано во јануари и потпиша шестмесечен договор со можност за продолжување на уште една сезона.