Ибрахимовиќ: Имам договор со Милан, ќе видиме што ќе се случи

Златан Ибрахимовиќ даде опширно интервју за шведските медиуми и потврди дека не размислува за пензија и сака да продолжи да игра.

Ибрахимовиќ е под договор со Милан до крајот на сезоната, а потоа не се знае дали ќе продолжи со „росонерите“.

„Имам договор со Милан и ќе видиме како ќе се заврши сезоната и кога ќе се заврши. Треба да се вратам во Италија и да го испочитувам договорот. Јас сум професионалец и ги почитувам преговорите“, истакна Ибрахимовиќ.

„Сакам да играм додека е возможно, но никогаш не се знае што ќе се случи. Јас сум човек кој сака да биде на високо ниво и да допринесувам на теренот и надвор од него. Кога ќе се заврши сезоната ќе одлучам дали и каде ќе ја продолжам кариерата“, додаде Ибра.