Перез и Зидан донеле одлука: Одредена цената на Бејл

Герет Бејл повторно на големо се поврзува со заминување од Реал Мадрид.

Сезонава Велшанецот одигра само 14 натпревари и постигна два гола и многу веројатно на лето ќе биде продаден. Бејл со Реал има договор до 2022 година и во Мадрид има плата од 15 милиони евра по сезона.

Неговиот агент постојано се појавува со изјави медиумите дека неговиот клиент е решен да го испочитува договорот и да остане Реал до истекот на истиот. Меѓутоа шпанските медиуми се убедени дека Реал ќе го продаде.

Според информациите од Шпанија Реал ќе го продаде Бејл за 55 милиони фунти и тоа е достапна цена за клубови од Премиер лигата од каде што за Бејл постои најголем интерес, барем според она што се пишува во медиумите во Шпанија и на Островот.

Како клубови кои најмногу се споменуваа како негови потенцијални дестианции се неговиот поранешен клуб Тотенхем и Манчестер Јунајтед.