Хатим бен Арфа се сели во Примера

Францускиот офанзивен фудбалер, Хатим бен Арфа би можел кариерата да ја продолжи во Шпанија, пренесуваат тамошните медиуми.

Бен Арфа е без ангажман откако ги напушти редовите на Рен минатото лето, по истекот на договорот.

Французинот се поврзуваше многу клубови ширум Европа, а последните информации се дека кариерата ќе ја продолжи во Реал Ваљадолид.

Медиумите тврдат дека соработката е договорена и дека наскоро се очекува само официјализација, па Бен Арфа ќе пристигне по барање лично од претседателот Роналдо Назарио.

Ваљадолид моментално се наоѓа на 16-то место во Примера и се бори за опстанок, па од клубот се надеваат дека Бен Арфа ќе му помогне на клубот да избори опстанок.