Премиерлигашите спремија понуда за „новиот Погба“

Францускиот прволишаг Лил е спремен да ја продаде својата млада ѕвезда, Бубакари Сумаре, за кого силен интерес покажуваат Манчестер Јунајтед и Челзи.

Манчестер Јунајтед и Челзи веќе започнале преговори со 20-годишниот фудбалер, па тој конечното решение за трансферот ќе го донесе после мечот со Пари Сент Жермен.

Сумаре оваа сезона со своите настапи ги воодушеви фудбалските критичари, па веќе го доби епитетот „новиот Погба“, бидејќи многу наликува на ѕвездата на Манчестер Јунајтед.

Арсенал, Реал Мадрид и Валенсија исто така го следат фудбалерот, но Јунајтед и Челзи се најконкретни и сакаат да го донесат во јануари.

Француските медиуми тврдат дека Лил е спремен да го продаде и да ги слушне понудите на заинтересираните клубови, а неговата цена на трансфер пазарот изнесува 35 милиони фунти.