Анчелоти пред отказ, Наполи бира меѓу тројца тренери

Резултатската криза во Наполи се продлабочува, тимот на Анчелоти не знае за победа веќе 7 натпревари, па тимот падна на 7-то место на табелата.

Италијанските медиуми пренесуваат дека раководството сериозно размислува за смена на Карло Анчелоти и веќе ја започна потрагата по негов наследник.

Според „Ил Матино“, најпосакуван, но и најтешко достижен тренер е Макс Алегри. Екс тренерот на Јувентус истакна дека нема да се врати на работи до крајот на сезоната, притоа преферира да преземе клуб од странство.

Многу поверојатно е Наполи да го донесе на „Сан Паоло“ бившиот тренер на Милан, Џенаро Гатузо, кој во момемтов е без ангажман.

Последната опција за Де Лаурентис е бившиот искусен тренер Едуардо Реја, кој би требало да биде привремено решение до завршувањето на сезоната.