Контроверзна насловна страна „Кориере дело Спорт“ пред утрешното дерби во Италија (ФОТО)

Утре во дербито во Серија А ќе играат Интер и Рома, а „Кориере дело Спорт“ се потруди да направи скандал со својата насловна страна.

Имено, на насловната страна се најдоа фудбалерите со темна боја на кожата Ромелу Лукаку и стоперот на Рома, Крис Смолинг. Контроверзии предизвика текстот на насловната страна на која пишуваше „Црн петок“.

Со мали букви под тој наслов стои: Од доаѓањето од Манчестер Јунајтед станаа важни во своите екипи и завземаа став во борбата против расизмот.

Наводно се било замислено токму како борба против расизмот и токму затоа за насловната страна биле избрани фудбалери со темна боја на кожата. Сепак, малку кој сфати на тој начин, па реномираниот медиум во Италија доби голем број критики.