Официјално: Рома е на продажба

Италијанските медиуми пренесуваат дека претседателот на Рома, Џејмс Палота им дал согласнот на своите адвокати да разгледуваат понуди за продажба на клубот.

Американскиот бизнисмен го купи клубот во 2011 година и од тогаш вредноста на Рома расте од година во година, па Палота смета дека сега е вистинско време за продажба.

Палота е спремен да го продаде клубот доколку пристигне понуда која ќе ги задоволи финансиските апетити. Клубот веќе има проект за изградба на нов стадион, како и спортски комплекс, кој додатно ќе ја зголеми вредноста.

Италијанските медиуми пренесуваат дека најсериозен интерес покажува американскиот милионер Ден Фридкин, кој веќе пратил свои емисари да прават проценка на вредноста на клубот.