Бен Арфа може да се пресели во Серија А

Контроверзниот француски фудбалер, Хатем Бен Арфа се уште е без ангажман, а сега италијанците пишуваат дека негова наредна дестинација може да биде Серија А.

Реномираниот италијански сајт „Калчомеркато“ објави дека Бен Арфа бил понуден на Парма.

Во Парма веќе игра Жервињо и со Бен Арфа би биле навистина интересен тандем.

Со оглед на тоа дека Бен Арфа е без ангажман би можел веднаш да потпише за Парма.

Последниот ангажман овој контроверзен фудбалер го имаше во француски Рен. Во текот на летото се поврзуваше со Џенова и Сампдорија меѓутоа на крајот не постигна договор.