Синот на Бобан „распали“ по тренерот на Милан

Милан во моментов се наоѓа во тешка ситуација, откако после шест одиграни кола во Серија А запиша дури четири порази.

Поради ова под голем притисок е тренерот Марко Џампаоло и воопшто нема да биде изненадување ако тој добие отказ, а „масло на огнот“ додаде и синот на Звонимир Бобан, Рафаел.

Тој преку социјалните мрежи испрати порака и директно го обвини тренерот Џампаоло за лошите резултати.

Имено, според Рафаел, главен виновник за состојбата во клубот е тренерот затоа што Милан располагал со квалитетни играчи.

„Дали проблемот е тренерот или играчите? Имаме одлични и квалитетни играчи, мислам дека проблем е тренерот“, напиша кратко Рафаел.

Последните информации од Апенините говорат дека и директорската позиција на неговиот татко не е солидна, па и тој може да добие отказ од страна на сопствениците.