Дали Јувентус е подобар без Роналдо?

Јувентус со пресврт дојде до победа над Бреша, но тимот одигра многу подобро во однос на претходните натпревари.

Јувентус синоќа конечно наликуваше на тим предводен од Сари, со голем посед на топка и многу допадливи додавања, иако головите дојдоа после прекин.

Медиумите на Апенините пишуваат дека Јувентус делува многу подобро без Роналдо на теренот и изгледа дека тимот се наслонува на заедништво, а не на индивидуални потези.

Притоа, и Дибала одигра многу добро без Роналдо на теренот, а статистиката вели дека Јувентус во 8 меча без Португалецот запишал 6 победи и две ремија.

Со секој случај, Роналдо е незаменлив и веќе во следниот натпревар ќе биде во стартниот тим.