Клоп со последната изјава веројатно ја кажа реалноста, но на Германците нема да им биде сеедно

Германскиот стратег Јирген Клоп по малку ги налути љубителите на фудбалот во својата земја со последната изјава.

Клоп со Ливерпул заврши на втората позиција во Премиер лигата оваа сезона, а од шампионот Манчестер Сити имаше само бод помалку. Откако сезоната заврши изјави дека ова за него е поголем успех и отколку кога со Дортмунд беше шампион на Германија.

„Ова не е нешто што посакував, но не гледам дека овде некој плаче. Ова ми значи повеќе отколку сезоната со Дортмунд во која бев шампион на Германија. За да ја освоите Премиер лигата, морате да биде скоро перфектни“, изјави Клоп.

Ќе потсетиме, Клоп со Дортмунд беше шампион на Германија два пати, а со Ливерпул се уште не освоил ниту еден трофеј.

Сепак, шанса тоа да го поправи ќе има за неколку недели кога неговиот тим ќе игра во финалето од Лигата на шампионите против Тотенхем. Тој натпревар ќе биде одигран во Мадрид.

Дека направиле се што можеле Клоп зборуваше и во неделата кога Манчестер Сити стана шампион.

„Луѓето веројатно ќе зборуваат дека можевме да го направиме ова или она, но јас мислам дека не можевме ништо, направивме се што можевме. Сити имаше повеќе среќа. Не сакавме да бидеме втори, но ова е само прв чекор за овој тим“, изјави тогаш Клоп.