Најголем проблем на Шпанците е – Пике!

Жерард Пике после Светското првенство се прости од дресот на Шпанија, но и тоа како недостасува на оваа селекција.

Без Пике Шпанија одигра пет натпревари и на тие пет прими дури осум погодоци, од кои по три во натпреварите против Хрватска и Англија.

Селекторот Луис Енрике користеше неколку играчи во задната линија, но никако не успева да пронајде некој кој ќе успее да го надополни неговото отсуство и да биде вистински партнер на Серхио Рамос.

Прво Начo играше два натпревари како стопер покрај Рамос и на почетокот тоа функционираше бидејќи Шпанците ги совладаа Англичаните и Хрватите со гол-разлика 8:1.

Потоа играше Албиол, па уште еднаш Начо, а во последниот натпревар против Хрватска во Загреб заигра 27 годишниот стопер на Атлетик Билбао Иниго Мартинез.

Со оглед на трите примени гола од Хрватска тешко е да се каже дека Мартинез е она што го бара Енрике. Како најдобро решение се покажа Начо, но Шпанците сигурно ќе мораат да размислат за условно кажано вистински стопер.