Ибра постигна хет-трик, а овој судија одби да му ја даде топката – сега објасни и зошто! (ВИДЕО)

Кариерата на еден фудбалски судија не е лесна, а најдобро е кога се споменуваат што помалку во медиумите и во текот на ТВ преносите.

Сепак, еден од оние кој ќе остане запаметен во Франција, но и во Европа долго време е Тони Чапрон кого многумина го паметат по две работи. Првата е што во 2015 година не сакаше да му ја даде топката на Златан Ибрахимовиќ откако постигна хет-трик, а втората епскиот црвен картон на играчот на Нант, Диего Карлос.

Ќе потсетиме, тогаш Чапрон се сопна на ногата на Карлос, по што стана и му покажа црвен картон со што стана вистински хит на друштвените мрежи.

https://www.youtube.com/watch?v=sloURWMK4ks

Сега за „BBC“ тој објасни зошто одлучил да не му ја даде топката на Ибрахимовиќ.

„Тој тогаш дојде многу блиску до мене, покажа со прстот и само ми кажа: Топката! Јас имам четири ќерки…Кога сме заедно и кога нешто ќе ме прашаат, ако на крајот не постои зборот „те молам“ нема да има реакција од моја страна. Значи, исто беше и во таа ситуација, тоа е работа на лична култура. Тоа е неодстаток на образование и општа култура. Веројатно јас сум единствениот кој му кажал не на Златан“, објасни Чапрон.