„Кориере дело Спорт“ открива детали: Роналдо останал два часа во соблекувалната на „Местаља“…

И понатаму не се смируваат страстите после она што се случуваше на натпреварот помеѓу Валенсија и Јувентус.

Јувентус на гостински терен запиша победа против Валенсија во рамките од првото коло, но натпреварот остана во сенка поради црвениот картон на Роналдо и неговата реакција при излегувањето од теренот.

Италијанските медиуми денес пишуваат дека Роналдо останал сам два часа на „Местаља“, но и дека добил огромна подршка од своите соиграчи.

„Ајде Крис“, довикнал Бернардески кога влегол во соблекувалната после натпреварот.

Управата на клубот разговарала со Роналдо после натпреварот, а според „Кориере дело Спорт“, Португалецот останал во соблекувалната до полниќ кога испратил извинување на сите присутни.

И понатаму е неизвесно колку натпревари ќе пропушти, а според англиски „Гардијан“ актуелениот најдобар играч во светот ќе го пропушти само натпреварот против Јанг Бојс и ќе има прилика да игра на „Олд Трафорд“ против Манчестер Јунајтед.