Милан тргнува по новата холандска ѕвезда

Италијанските медиуми пренесуваат дека главна трансфер цел на Милан во следниот преоден рок ќе биде талентираниот холандски напаѓач Донјел Мален.

Овој 20 годишен фудбалер кој ја помина академијата на Ајакс и Арсенал игра одлична сезона и веќе дебитираше со гол за холандската репрезентација.

Мален пристигна во ПСВ за само еден милион евра, но неговата цена вртоглаво порасна, па сега е на мета на многу европски гиганти.

Милан сака да ја победи конкуренцијата и веќе започнал преговори со неговиот агент Мино Раиола, а неговата цена во моментов изнесува помеѓу 20 и 30.

„Росонерите“ сметаат дека Холанѓанецот ќе биде одлична алтернатива за Ибрахимовиќ. Мален блеска оваа сезона и веќе има постигнато 13 гола за ПСВ.