Јувентус и Интер во битка за потписот на Толисо

Италијанските медиуми пренесуваат дека Јувентус и Интер се сериозно заинтересирани за играчот на Баерн Минхен и француски репрезентативец, Корентин Толисо.

25-годишниот играч за врска минатата сезона подолго време беше надвор од терените поради повреда на коленото, оваа сезона често добиваше шанса за настап, но Баерн е спремен да го стави на продажба на крајот на сезоната.

Толисо пристигна на „Алијанц Арена“ во 2017 година од Лион за 40 милиони евра, а Баерн планира да ја врати приближно вложената сума.

Јувентус и Интер се спремни да понудат околу 30 милиони евра и веќе ја започнаа трката за потписот на Французинот, кој од следната сезона најверојатно ќе игра во Серија А.