19-годишен талент на Јувентус става крај на кариерата поради депресија

Голем проблем со депресија има 19-годишниот фудбалски бисер Мохамед Ихатарен, кој е еден од најголемите таленти во Европа.

Ихатарен важи за еден од најголемите таленти во светот, тој минатото лето пристигна во Јувентус од ПСВ, а потоа беше испратен на позајмица во Сампдорија.

Сепак, играчот кој експлодираше во ПСВ и веќе одигра 74 натпревари, се бори со тешка депресија поради смртта на неговиот татко и размислува да стави крај на кариерата.

Јувентус и Сампдорија засега остануваат тивки по ова прашање, а веројатно најтешката задача ја има менаџерот Мино Раиола, кој сигурно ќе се обиде да го врати Ихатарен на фудбалските терени.