Интер не се откажува од Киеза – ќе „жртвува“ тројца играчи

Раководството на Интер не се откажува од намерата да го донесе Федерико Киеза во своите редови.

Младата ѕвезда на Фиорентина ова лето ќе биде главна трансфер цел на „нероаѕурите“ кои веќе прават план за негов ангажман.

Овој 22-годишен офанзивен фудбалер и минатото лето беше мета на Интер и Јувентус, но Фиорентина бараше голема отштета, па успеа да го задржи.

Самиот Киеза сака да ја промени средината ова лето, па Интер е спремен да ја искористи таквата ситуација и да го донесе во Милано.

„Нероаѕурите“ се спремни да ги продадат Раџа Наинголан, Далберт и Валентино Лазаро за да финансира дел од трансферот на Киеза.

Фиорентина за неговата слобода бара најмалку 50 милиони евра, а интерес за играчот покажуваат уште ПСЖ и Јувентус.