Ливерпул ќе се ослободи од Киеза: Италијанецот не може да одигра еден натпревар во Премиер лигата!

Италијанскиот фудбалер Федерико Киеза е пред заминување од редовите на Ливерпул кој полега го губи трпението со неговата форма.

Киеза до пред неколку години важеше за еден од најдобрите фудбалери во Европа и беше главен играч на Италија во освојувањето на Европското првенство во 2020 година.

Направи и трансфер во Јувентус каде што започна одлично, а потоа дојдоа проблемите со повредите. По неколку отсуства Киеза и една долга пауза од речиси цела сезона, Киеза не успеа да ја врати старата форма.

Тијаго Мота уште веднаш по своето доаѓање во Торино јасно стави до знаење дека нема да смета на него. Ситуацијата се обиде да ја искористи Ливерпуил кој го доведе.

Но, ниту во Премиер лигата Италијанецот не блеска. Од почетокот на сезоната одигра само 78 минути и запиша асистенција. Медиумите на Островот пренесуваат дека проблем е интезитетот на натпреварите во Премиер лигата на кои Киеза не е навикнат.

Според најавите Ливерпул би можел во јануари да го продаде или да го испрати на позајмица.