Џабе Дончиќ и Леброн „растураат“ кога „немаат“ соиграчи (ВИДЕО)

Изминатата вечер во НБА лигата беа одиграни 11 натпревари.

Лука Дончиќ откако не играше два натпревару поради полесна повреда се врати и оствари трипл дабл со 28 поени, 10 скокови и 10 асистенции со шут од игра 7/12, а за три 4/6 и 10/12 од линијата за слободни фрлања. Сето ова Дончиќ го направи за 32 миниути поминати на паркетот.

Двајт Пауело го следеше Дончиќ со 24 поени и имаше само едно промашување од игра. Тим Хардвеј додаде 20, а Дирк Новицки 12 поени пет скокови и една асистенција.

Голден Стејт Вориорс славеше на гостувањето во Шарлот со резултат 121:110. Во текот на целиот натпревар и двата тима беа одлично шутерски расположени.

Кај Вориорси најефикасен беше Клеј Томпсон со 26 поени (два скока и пет асистенции), дабл-дабл забележа и Демаркус Казинс со 24 поени, 11 скокови, три асистенции и блокади и една украдена топка. Дабл-дабл оствари и Дрејмонд Грин со 14 поени и 10 асистенции, а Кевин Дурант натпреварот го заврши со 20 поени, седум скокови и четири асистенции.

Стеф Кари постигна 16 поени и запиша пет скока.

https://www.youtube.com/watch?v=YCaRjUlMmto

Леброн Џејмс и Лејкерси како што стојат работите ќе останат без плеј-оф. Тимот на Лејкерси вчера гостуваа кај Мемфис кој важи за еден од најслабите тимови во западната конференција и забележаа пораз со 110:105. Ова за Лејкерси беше четврти пораз во псоледните пет натпревари.

На Лејкерси не им помогна ниту трипл-даблот на Леброн од 24 поени, 12 скокови и 11 асистенции.

НБА РЕЗУЛТАТИ:

Шарлот – Голден Стејт 110-121

Кливленд – Портланд 110-123

Детроит – Индијана 113-109

Бруклин – Сан Антонио 101-85

Мајами – Феникс 121-124

Чикаго – Милвоки 106-117

Хјустон – Атланта 119-111

Мемфис – ЛА Лејкерс 110-105

Минесота – Сакраменто 112-105

Њу Орлеанс – Филаделфија 110-111

ЛА Клиперс – Далас 121-112