Ќе погоди ли конечно Роналдо во Примера?

На „Бернабеу“ пристигнува еден од омилените „муштерии“. Ќе погоди ли конечно Кристиано во Примера?

После победата во Никозија и двата погодоци на Кристиано Роналдо, навивачите на Реал Мадрид очекуваат Роналдо денес да „проработи“ и во домашното првенство.

На „Бернабеу“ пристигнува Малага и јасно е дека за „кралевите“ само победата е императив. Кристиано во досегашното првенство постигна само еден гол во Примера, но за „Лос Бланкоси“ е одлична вест што Малага е еден од неговите омилени ривали.

Имено, тој во досегашните 16 првенствени натпревари против Малага постигнал исто толку погдоци.

Иначе, Малага е трета на листата омилени шпански клубови на Роналдо, 23 погодоци постигна против Севиља, 21 против Гетафе, а против Билбао 16 исто колку и против Малага.