Њукасл ја „оживува“ кариерата на заборавената ѕвезда на Тотенхем

Њукасл ќе се обиде во финишот од преодниот рок да доведе неколку засилувања.

Бројни фудбалери се поврзуваат со доаѓање на „Сент Џејмс Парк“, а меѓу нив е и играчот на Тотенхем, Деле Али. Наводно, Њукасл започнал преговори со Тотенхем за трансфер на Деле Али.

Али некогаш важеше за голема надеж на англискиот фудбал. Имаше период во кој играше навистина феноменално, но во последните две сезони има голем пад на формата и игра слабо.

Сезонава 25-годишниот играч за врска не е во прв план кај менаџерот на Спарси, Антонио Конте. Деле Али настапи само на 18 натпревари и имаше два старта во Премиер лигата од септември.