Њукасл спреми 100 милиони за Лаутаро Мартинез

Добрите партии на Лаутаро Мартинез во последно време го обновија интересот кон него од страна на неколку европски гиганти, а сега во трката за неговиот потпис се приклучи и Њукасл.

Главна трансфер цел на Њукасл во летниот преоден рок ќе биде доведување на врвен напаѓач, а прва желба е Лаутаро Мартинез.

Лаутаро неодамна го продолжи договорот со Интер до 2026 година, па „нероаѕурите“ сигурно нема лесно да го пуштат.

Меѓутоа, Њукасл е спремен да му понуди двојно поголема плата за да го убеди Аргентинецот да се пресели во нивните редови.

Притоа, спремаат понуда од 100 милиони евра, која Интер тешко ќе ја одбие.