Јунајтед спреми понуда која не се одбива за Ентони

Манчестер Јунајтед подготвува нова понуда за крилниот напаѓач на Ајакс, Ентони, пренесуваат медиумите на Островот.

Откако холандскиот клуб ја одби последната понуда на „црвените ѓаволи“, која беше вредна 68 милиони фунти, тимот од „Олд Трафорд“ сега ќе понуди 80 милиони фунти.

Таа сума е приближна на 100 милиони евра колку што бара Ајакс, па Јунајтед се надева дека ќе го реализира трансферот.

Самиот играч вчера уште еднаш пред клубот го кажа својот став дека сака да премине во Манчестер Јунајтед. Уште минатата недела тој ги договори личните услови, но останува уште двата клуба да се договорат за сумата на трансферот.

Според „Дејли Мејл“, Манчестер Јунајтед напоредно работи и на трансферот на ѕвездата на ПСВ, Гакпо, кој може да игра на повеќе позиции во нападот.

🚨 Manchester United have told Ajax that the club are ready to increase their offer for Antony.

The offer should be approaching €100M, excluding bonuses for the Brazilian winger.

(Source: @SkySportsNews ) pic.twitter.com/O8G4rcRmMS

— Transfer News Live (@DeadlineDayLive) August 24, 2022