Јунајтед го прави „Олд Трафорд“ трет најголем стадион во Европа

Раководството на Манчестер Јунајтед ја разгледува можноста да го зголеми капацитетот на „Олд Трафорд“.

„Според англиските медиуми намерата на клубот е „Театарот на соништата“ да биде трет најголем стадион во Европа, веднаш после „Камп Ноу“ и „Вембли“.

Во моментов „Олд Трафорд“ собира 75.643 гледачи, а идејата е капацитетот да се зголеми на 88.000 места. Тоа може да се направи со проширување на Јужната трибина, која го носи името Боби Чарлтон.

Доколку планот биде реализиран тоа значи дека „Олд Трафорд“ ќе ги надмине по капацитет „Сантиаго Бернабеу“, „Сан Сиро“, „Стад де Франс“ и „Сингл Идуна Парк“.