Јувентус одби трампа Мората – Игуаин

Раководството на Челзи има сериозна намера да го донесе во своите редови Гонзало Игуаин и веќе работи на трансферот.

Игуаин е големата трансфер желба на новиот тренер Маурицио Сари, а „сините“ сакаат по секоја цена да му ја исполнат желбата.

Италијанските медиуми пренесуваат дека Челзи ја испратил првата понуда до Торино и за возврат на потписот на Игуаин го понудил Алваро Мората. Меѓутоа „бјанконерите“ експресно ја отфрлиле понудата.

Не е тајна дека Јувентус го стави на трансфер пазарот Игуаин после пристигнувањето на Роналдо, но италијанскиот клуб сака само кеш за неговата слобода.

Имено, Јувентус е спремен да го пушти Игуаин доколку пристигне понуда од 55 милиони евра, сума која „најверојатно“ сините ќе се согласат да ја платат.

#premiumsport
La #Juventus ha rifiutato lo scambio #Higuain – #Morata. Qui i dettagli secondo #LaStampa. https://t.co/TQj6vMpa6z

— PremiumSportHD (@PremiumSportHD) July 15, 2018