Јокиќ блесна со нов трипл-дабл, Клиперси подобри од Хјустон 🎥

Српскиот кошаркар Никола Јокиќ го предводеше Денвер до победа против Сан Антонио од 121:119.

Дефинитивно Јокиќ игра на МВП ниво, а тоа го покажа и во овој дуел.

Јокиќ беше најкорисен кај Денвер за победата и натпреварот го заврши со 26 поени, 14 асистенции и 13 скокови, Портер стигна до дабл-дабл од 22 поени и 10 скоквои. Во редовите на Сан Антонио Вајт имаше 25, Де Розан 24 поени и 12 асистенции.

Хјусон не успеа да најде решение за Клиперси и во „Стејплс Центарот“ беше поразен со 126:109. Гостите од Тексас беа рамноправни само до пред полувремето, потоа го изгубија чекорот. Најефикасен со 31 поен беше Кавај Ленард, Џексон постигна 26. Кај Хјустон најдобар беше Вуд со 23, пред Тејт со 18 поени.

НБА РЕЗУЛТАТИ: Орландо – Индијана 106:111, Бостон – Минесота 145:136 (пп), Њујорк – Мемфис 133:129, Атланта – Чикаго 120:108, Њу Орлеанс – Филаделфија 101:94, Денвер – Сан Антонио 121:119, Милвоки 119:127, Голден Стејт – Вашингон 107:110, Клиперси – Хјустон 126:109.