Јанузај се враќа во Премиер лигата

Вест Хем започна преговори со Аднан Јанузај, пренесуваат медиумите на Островот.

27-годишниот Јанузај е слободен агент откако му истече договорот со Реал Сосиедад ова лето.

„Чеканите“ можат да го доведат без обештетување и веќе се во напредни преговори со неговиот агент.

Дејвид Мојс одлично го познава Јанузај бидејќи го тренираше во Манчестер Јунајтед и во Сандерленд, па верува дека идеално ќе се вклопи во неговиот тим.

Двете страни се блиску до договор и медиумите тврдат дека трансферот ќе се реализира во наредните денови.