Јакобсен: Правевме грешки и Вардар знаеше како да не казни

Вечерва Вардар одигра фантастичен натпревар и во Манхајм го совлада Рајн Некар со 27:30.

Вардар доминираше од првата до последната минута и не му дозволи на противникот да се надева на позитивен резултат во овој натпревар. Во еден дел од натпревар црвено-црните имаа и седум голови предност.

Тренерот кој со Данска буквално се прошета на Светското првенство, Николаи Јакобсен призна дека неговиот тим бил немоќен против Вардар.

„Правевме премногу грешки, а Вардар е еден од најискусните тимови и знаеше како да не казни. Потребни ни се неколку недели да влеземе во ритам. Му честитам на Вардар и се надевам дека ќе бидеме подобар противник во иднина“, изјави Јакобсен после натпреварот.