Шкупи го засили нападот – потпиша Пепи Ѓорѓиев!

Тимот на Шкупи продолжува со промените во своите редови и нов напаѓач на тимот од Чаир е Пепи Ѓорѓиев.

Ѓорѓиев доаѓа од редовите на Академија Пандев каде што ги помина изминатите шест месеци. Во дресот на клубот од Струмица одигра 15 натпревари и постигна пет голови. Минатата година Ѓорѓиев беше дел од Теута, а во кариерата настапуваше уште за Силекс, Беласица, Брегалница и Кожув.

Во претходните денови Шкупи го напуштија повеќе фудбалери како: Радески, Стоилов, Чешмеџиев, Иљази, Исмаили, Ѓурковски, Ѓорѓиевски и Рватубиаје.